كيفية تحضير سلو او السفوف
صفحة 1 من اصل 1
كيفية تحضير سلو او السفوف
من طرف Admin الإثنين فبراير 10, 2014 10:22 am
طريقتي فتحضير سلو نحتاج
كيلو الزنجلان مغسول مزيان ومنشف منقي ومحمر فلفران
رابعة حبة حلاوة منقية ومحمرة فلفران
رابعة النافع منقي ومحمر فلفران
نص كيلو اللوز مقلي من بعد ما فسختو و طلقتو فبلاطوفوق منديل نشف ليلة كاملة
كيلو كاوكاو مقلي نفس طريقة اللوز
رابعة زريعة لكتان منقية محمرة فلفران
3 دراهم يللان منقي
3 معالق كبار قرفة
نطحنو الزنجلان انا تنحاول غي دور لماكينة نحيدو تنخليه مهرمش شوية نفس الطريقة كاوكاو و اللوز حتى هما مهرمشين
نطحنو النافع حبة حلاوة يللان نغربلوهم نضيفيهم لزنجلان اللوز كاوكاو نطحنو زريعة لكتان نضيفوها هي ولقرفة
بالنسبة للدقيق استعلمت كيلو وربع
درتو فطاوة دخلتو لفران
نحركوه بمغيرفة لخشب و نوليو نرجعوه مرة ثانية لفران نفس العملية
فبانيو نغربلو الدقيق نضيف ليه المكونات اللي طحنت نضيف ليهم 2 كيسان ماعامرينش سكر كلاصي راس معلقة مسكة حرة شوية كوزة محكوكة قبيصة الملح
نخلطو الكل مزيان ثم نضيفو 3 معالق كبار عسل حر( حسب الرغبة )
نخلطوها مزيان ونبقاو نضيفو الزيت شوية بشوية حتى تجمع كل واحد كيف تبغيها ناشفة شوية او راوية
نديروها فسوبيرة
Admin- Admin
- المساهمات : 256
تاريخ التسجيل : 15/12/2013 -
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى