جبتلكوم الشهدة بطريقتي ..شهوة منها شكلا

السلام عليكم ورحمة الله وبركاته

اهلا بجميع الحادكات

اليوم حبيت نشارككوم الشهدة بطريقتي الي كنحب نضايف بيها حبابي او نعملها و ناخدها معايا الا كنت معروضة لشي عشية

كتجي شهوة منها شكلا و مضمونا


العجينة كانت عجينتي المعتمدة للمعجنات

العجينة

نصف كيلو دقيق
ملعقة كبيرة خميرةالخبز
ملعقة صغيرة ملح
نصف ملعقة صغيرة خميرة الحلوة
2 ملاعق كبيرة سكر
دانون استعملوا الحبة الي بدرهم80غ
زيت استعملوا نفس عبار علبة دانون
كوب ماء دافئ**ممكن اقل او اكثر حسب نوعية الدقيق**
1- نمزج النواشف
2-نضيف الزيت و دانون
3-نمزج جيدا و نتاكد ان الدقيق تشرب الزيت و دانون جدا
4-نضيف الماء قليلا قليلا للحصول على عجين لين كيلصق شوي بالايد
5-تعجن جيدا حتى تلاحظون ان العجين ما بقاش كيلصق بالاناء الي كتعجنوا فيه
و تترك تختمرلساعة

و الطريقة مشرووحة بالصور



بعد ما كتختمر العجينة نبسطها مستطيل
و نشكل مربعات صغيرة بنفس الحجم

نضيفو اافروماج




و نغلق المربعات بتثبيت رؤوسها و الضغط عالجوانب جيدا حتى ما تفتح
خليوها تقريبا 10د تختمر من جديد
ومع حرارة الجو اول ما تتموا التشكيل غتلقاوها خمرت




ادهنوها بخلط صفار البيض و ملعقة حليب و قطرات خل و رشوا على الرؤوس زنجلان

وبالفرن ما غتحتاج الا 10د ل 15د

سقيوها بالعسل و هي سخونة
و خليوها تبرد على شبك




وبصحتكوم و راحتكوم
كنتمنى تجربوها