مخيمرات معمرين

السلام عليكم و رحمة الله تعالى و بركاته
مخيمرات معمرين
شهوة منهم

لعجين المخامر كنحتاجوا

نفس الكمية من الفورص و دقيق الفينو الممتاز
ضيفه الملح و الخميرة دالخبز
و نعجنه مزيان
و نخليوه يرتاح ربع ساعة
من بعد نشكله كريات صغيرة
و ننخليوها ترتاح حتى هي

الحشوة
خديت بصيلة مشلدة و زدت عليها الكفتة و الملح و العطرية و السودانية و قليتهم حتى دبلت البصلة و طابت الكفتة
ضفت المعدنوس و يتون مقطع و شعرية صينية مقطعة الي كنكونا خلينا 5د فماء غليان و صفيناها و قطعناها
نبداو بتشكيل مخيمراتنا

كنطلقوا العجين مستطيل بخليط زيت و زبدة البلدية و ممكن تعملوا الزبدة لا مشكلة
نوضعه الحشو
و نلفوه فحال السيكار
و نكملوا نفس الطريقة بكل العجين


من بعد ناخده الحبة الاولى غتكون ارتاحت نضغطوا عالجوانب ونوقفوها و نبسطوها باش نحصلوا على مخيمرة دايرة
و هكدا كنضمن ليكم الحشوة غتعمر كل المخيمرة و بالتساوي

[ندعوك للتسجيل في المنتدى أو التعريف بنفسك لمعاينة هذا الرابط]
و نطيبوها فمقيلة الملوي مرشوشة بمسحة خفيفة من الزيت
حتى تحمر

[ندعوك للتسجيل في المنتدى أو التعريف بنفسك لمعاينة هذا الرابط]
و نقدموهم بالصحة و الراحة