صينية الشطون فالفرن من اسهل و الد صواني الحوت

السلام عليكم

الحوت بجميع اشكاله الكل اكيد كيعجبوا

لكن الشطون او الانشوبة ما كاين فحالها فالمداق
ممكن في هاد الوصفة تستعمله السردين صغير لكن كتجي اروع بالشطون
و ما كاين سهل منها
كيلو شطون منقي و زولوليه الشوك
شرمولة حوت عادية
قزبر و معدنوس و تحميرة و كامون و ملح و سودانية و 4 فصوص ثوم مدقوقين مزيان
2حبات مطيشة مقطعة دوائر رقيقة
زيتون بلا عظم
عصير حامضة
نصف كاس زيت زيتون
و الملح اكيد

كتشرملوا الحوت
و تشرملو مطيشة
و تستفوا الحوت و المطيشة فصينية و تزينوه بالزيتون
عملوا كل زوج حوتات مع بعضهم و بينهم دائرة مطيشة
متنساوش تملحوا الحوت و مطيشة ملي تشرملوهم
و تسقيو الكل بالزيت و الحامض و ترسلوهم للفرن يطيبوا لازم الصينية توقف على زيتها
كيطلع غزااااااااال و متشبعوشي منه

و بصحتكم

ما تنساوناش من دعيواتكم الغزالات