حلوة كاوكاو و زنجلان

زلافة كاوكاو محمر و مطحون مزيان
زلافة زنجلان محمر و مطحون مزيان
كاس عنبة الزيت
100غ زبدة رطبة متكونش دايبة
معلقة صغيرة قرفة مطحونة
كاس عنبة سكر سنيدة
دقيق الي يجمع الحلوى

خلطوا الجميع مزيان حتى تحصلوا على عجينة تقدروا تشكلوها عملوا منها كويرات صغيرة و عملوها فوريقات مدلان و رسلوها لفرن متوسط من 10 ل 15د حتى تبد تحمر من تحت
اول ما تبرد مزيان رشوا عليها سكر غبرة للتزين **اختياري**
ممكن تشكلوها هلاليات كتجي غزالة لكن وراق مدلان كيحافضوا عليها احسن لانها كتدوووووووووب بالفم

و بصحتكم