طاجين الكفتة بالبصلة و الزيتون
صفحة 1 من اصل 1
طاجين الكفتة بالبصلة و الزيتون
كنحتاجو
تقريبا من 400 حتى ل 500 غ كفتة معطرة
2حبات بصلة متوسطة و مشلدة
معدنوس
حامض مصير
العطرية ممكن تعملوا الي كتحبوا
بالنسبة لي كنعمل ملح ابزار قليل دسكين جبير و السودانية و شوية الخرقوم زعفران و عود القرفة نسيت مصورتهوم
كاس الروز المزيان معامرش مغسول مزيان
كنخلطو الكفتة مع الروز مزياان و نشكله كويرات بحجم بيضة
فطويجين او طاوة نعملو البصلة مع شوية الزيت مخلطة رومية و بلدية
ونخليوها تنزل غير شوية نضيفو التوابل و نصف كمية المعدنوس
ونخلطوها مزيان
ونضيفو كويرات الكفتة
ونضيفوا زوج كيسان و نص ماء و نعبروا بنفس عبار كاس الروز
نخليوالطاوة على عافية مجهدة غير تغلى نقصوليها مزيان و نخليوها تطيب على عافية مهيلة تقريبا من 20ل 25د حتى توقف على زيتها
باخر 5د نضيفوا المعدنوس الي بق وربع الحامض مصير و الزيتون و نخليوها تغلى و نطفي
[ندعوك للتسجيل في المنتدى أو التعريف بنفسك لمعاينة هذا الرابط]
ونقدموها سخووووونة بالصحة و الراحة
وها غديوتنا وجدات خفيفة و ظريفة مع سلاطة الفلفل المطبوخ
[ندعوك للتسجيل في المنتدى أو التعريف بنفسك لمعاينة هذا الرابط]
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى