طويجين دالسردين دايزو الكلام مرحبا بيكم

الطريقة متاكدة انكم الحادكات جميعا كتعرفوها



نقيو السردين و زوولوليه الشوك و شرملوه

بطاطا قشروها و قطعوها دوائر و شرملوها

و نفس الشيء لمطيشة

و بصلة مشلدة


الشرمولة عبارة عن قزبر و معدنوس مدقوقين مع 4 فصوص ثوم و نضيفوا ليهم
ملح
الكمون
التحميرة
السودانية
الابزار
نصف كاس زيت مخلطة بلدية و رومية
و عصير حامضة

نعملوا البصلة فالطاجين و نخليوها تدبل شوية فشوية دالزيت
و نستفوا الخضر و الحوت و نضيفوا كاس الماء كبير فقط لا غير ضيفوه لبقية الشرمولة الي كتبق
و نتركوا الكل يطيب حتى توقف المرقة و بصحتكم
ما تنساوش المزيودات لمحبي الحار


انا قدمته مع سلطة مغربية مشكلة بصل و طماطم و خيار و فجل و شوية معدنوس
و زيتون و الهريسة و السردين مقلي مصورتوش حيت الكل كيعرف طريقتوا
و بصحتكم مرة اخرى



الطاجين قبل

و هنا بعد

و هدي السلطة